رسم الأزياء Fashion Illustrations
يعنى إيه رسم أزياء ؟؟
كتيير بسمع السؤال دة👈 يعنى ايه " رسم الازياء fashion illustration 🤔 و ايه اهمية انى اكون بعرف ارسم التصميم؟!! وكتير فاكرنها مجرد رسم وتلوين حاجة كدة دلع ومالهاش لازمة😏 ف عشان كدة قررت النهاردة اكلمكم عن "رسم الازياء" تعريفه واهميته..
📌اولا :" رسم الازياء fashion illustration" :هو اسلوب من اساليب عرض المصمم لفكرته باستخدام القلم و الورق📝🎨 وحديثا ظهرت التطبيقات والبرامج اللى بتساعد المصمم على توضيح فكرته بطريقة digital📱
وهى بتعتبر لغة تواصل مهمة جدا بين المصمم وباقي فريق العمل، واحيانا بيلجأ المصمم لوضع عينات من الخامات المقترحة للتصميم..
📌وكل ما يكون المصمم محترف في رسم الازياء واظهار التفاصيل كل ما يكون توثيق وعرض فكرته اوضح وادق. وفي بيوت الازياء الكبيرة والاكاديميات العالمية👌 مفيش غنى عن رسم الازياء ك خطوة اولى واساسية في عملية التصميم ( والصور المرفقة👇👇 رسومات ازياء لمصصمين عالميين زى ايلي صعب و ديور- ورسامين ازياء معروفين )
📌وعلى فكرة المصمم العالمى" كريستيان ديور Christian Dior كان بيشتغل رسام ازياء fashion illustrator😉 وكان بيبيع رسوماته وتصميماته للمجلات والجرائد المتخصصة🗞 قبل ما يفتح الاتيليه بتاعه في اواخر الاربعينات وهو اكتر مصمم رسوماته موجودة ومحفوظة لحد دلوقتي❤
📌دة غير ان رسم الازياء ليه دور كبير جدا في عملية توثيق شكل الملابس على مر العصور وفي الفترات الزمنية المختلفة📃 ولولاه لما كان المؤرخين استطاعوا شرح ومعرفة تاريخ الازياء في العصور القديمة..
📌 وبيرجع استخدامه في مجال صناعة الملابس لاكتر من 500 سنة، وخاصة قبل ظهور التصوير الفوتوغرافي📷 كانت المجلات بتعتمد عليه في عرض اتجاهات الموضة للموسم الجديد لحد ما اصدرت مجلة " فوج vogue اول عدد غلافه بيحمل صورة فوتوغرافية في اواخر التلاتينات.
🎨يارب اكون قدرت افيدكم ❤❤ولو فيه اى تعليقات او اسئلة حطوها في الكومنتات وهرد عليكم بإذن الله👇
Comments
Post a Comment